Општина Кисела Вода ќе го реновира Паркот на Пушкин, лоциран на улицата Пушкинова, и ќе постави биста на големиот поет. На овој начин, а по иницијатива на Меѓународната федерација на руски писатели и Амбасадата на Русија во Македонија, ќе се одбележи 210-годишнината од раѓањето на Пушкин. Бистата се изработува во Русија, а годинава, освен во Скопје, бисти на поетот ќе бидат поставени во Панама, во Грција и во Полска.