Веб-сајтот „1225-Вратница“ е насловен според поштенскиот број на Вратница, едно од најактивните населени места од Македонија во поглед на претставување на Интернет. Граѓанското учество на вратничани се огледа во воспоставување и водење низа сајтови, форуми и блогови, меѓу кои и „Диџеј“ (деејаѕ.блог.хр) на Саше Антиќ.

Дизајнот на „1225“ е исполнет со елементи што на друго место би изгледало дека не се на место, но тука, во комбинација со хумористичниот тон и користењето изворен тетовски дијалект, даваат добро ретрочувство. Меѓу ваквите елементи се вбројуваат користење разни бои и заднини при пишување на текстот, подвлечени делови на текстот, кои не се линкови, како и огромен број мали анимирани гифови, кои го одвлекуваат вниманието.

Авторот Мистикал ги нема освежено содржините на веб-сајтов подолго време, но и такви какви што се нудат се многу интересна перспектива за ова живописно место под Шар Планина.