Роман „Превид“ од писателката Тања Урошевиќ, кој неодамна го објави издавачот „Магор“, вечерва ќе биде промовиран во Салон 19,19 во КИЦ, од 19,19 часот. Делото третира актуелна тема: како во периодот на глобализација и нивелирање на вредностите да се сочува духовното, естетското. Тања Урошевиќ завршила Филозофски факултет, историја на книжевностите на југословенските народи. Работи како професор по македонски јазик и литература, а подоцна како новинар. Објавува преводи, приказни, осврти. Се ориентира кон преведување литература, главно, од руските класици: Н. Гогољ, А. Пушкин, Ф. Достоевски, Л. Толстој, А. Чехов и други. За преведувачката дејност е наградувана повеќепати, а е носител на наградата „Григор Прличев“ за животно дело. Објавува кратки раскази од периодиката, а во 2004 година го има издадено романот „Аквамарин“. Романот „Превид“ ќе го промовираат Маја Бојаџиевска и Благоја Иванов, извадоци од текст ќе интерпретира Симон Беличанец, а вечерта ќе ја збогати настапот на мецосопрнот Елена Ангеловска и на пијанистката Милица Шкариќ.