Претставата „Сомнително лице“ вечерва премиерно ќе биде изведена во велешкиот театар „Јордан Хаџиконстантинов Џинот“. Режисер на претставата е Стојан Стојановски, кој најавува ново читање на Нушиќ, каде што љубовта ќе го победи сомнежот.

Главната улога на Јеротије ја игра Младен Крстевски, а настапуваат и Кица Велјановска, Кети Борисовска, Лазе Манасковски, Александар Ѓоргиев, Љубе Терзиев, Кирил Гравчев, Јордан Витанов, Едмонд Сотир, Ристо Мајсторов, Самоил Стојановски и Спасе Петрушев.

Костимите за претставата ги изработи Тања Медарова Стојановска, сценографијата е на Илија Настов, а изборот на музиката го направи режисерот Стојановски.