Убиството на ученик во Ченто (Скопје), случајот на деветгодишната Ванеса од Тетово, претепаниот наставник во Арачиново, ученичките тепачки на автобуските станици во Скопје, снимањето видеоклипови со експлицитна порнографска содржина и низа други немили настани, повеќе од јасно покажуваат дека состојбите во основното и средното образование веќе одамна излегле од контрола. Смета ли, можеби, Министерството за образование дека ова не е негов, туку проблем на локалната самоуправа, вели професорот Владимир Петрушевски од Либерално-демократската партија.
На вчерашната конференција ЛДП побара напластените проблеми да не се пикаат под тепих, туку да се решаваат.